Тунисда мамлакат президенти қўриқлаш хизмати ходимлари кетаётган автобусни портлатишни уюштиришга алоқадор бўлган уч нафар гумонланувчи қўлга олинди, деб
хабар бермоқда Jawhara FM нашри.

Барча ушланганлар Тунис пойтахтидаги террорчиликка қарши кураш бўйича марказий бошқармага жўнатилган.

24 ноябрда Тунисда террорчи-худкуш президент қўриқлаш хизмати ходимлари кетаётган автобусга ҳужум қилган. Портлаш оқибатида 13 киши ҳалок бўлган. Тунисда шу муносабат билан 30 кунга фавқулодда ҳолат тартиби киритилди. Ушбу теракт учун жавобгарликни ИШИД ўз зиммасига олди.

Аввалроқ Тунисда террорчиликда гумон қилинаётганлар ҳақидаги маълумот учун мукофот пули эълон қилинганди.