БААда туя сутидан бўлган музқаймоқ сотувга чиқарилди. Араб давлатларида машҳур ва серталаб маҳсулот бўлмиш туя сути Европа ва АҚШда ўз харидорини топа олмади. Аммо ишлаб чиқарувчилар умидини узмай, бозорга янгидан янги маҳсулотлар чиқармоқда.

Дубай яқинида жойлашган Al Ain Dairy Farm туям фермаси янги турдаги маҳсулотни ишлаб чиқара бошлади. Оддий музқаймоқдан фарқли равишда, янги маҳсулот бироз тахир таъмга, шунингдек, кўп миқдордаги С витаминига эга, айни пайтда, унинг таркибида ёғ кам.

Туя музқаймоғи 6 хил қўшимчалар билан чиқарилади: кардамон, хурмо, заъфарон, ваниль, шоколад, карамель.