Дилноз, Азиза, Ойпопук ва Гули исмли дугоналар моддий қийинчиликлардан чарчаб, ўғриликка қўл уришди, аммо биринчи ҳаракатдаёқ қўлга олинишди. Бу ҳақда “Огоҳ” нашри ёзмоқда.

Айтилишича, ёшлар гуруҳ тузиб, Зилола исмли ўзига тўқ аёлнинг уйига ўғриликка киришга қарор беришган. Зилоланинг қачон кетиб, қачон келишини кузатиб билиб, бир куни хонадон бўшлигида келишган. Калит танлаш йўли билан эшикни очиб, у ерга киришган.

Талончилар хонадондан 300 минг сўмлик пальто, 250 минг сўмлик куртка, 500 минг сўмлик кўйлаклар, 400 минг сўмлик газламалар, 400 минг сўмлик оёқ кийимлари, 400 минг сўмлик дастурхонлар, 300 минг сўмлик пар кўрпаларни олиб чиқиб кетишган.

Бу шубҳали ҳаракатни кўрган қўшнилар 102га хабар беришган. Воқеа жойига етиб келган милициячилар ўғриларни қўлга олишди.