Тошкентдаги Шарқ яккакурашлари фестивалида мавсумнинг энг яхши яккакурашчилари номи айтилди

Спорт 29 Ноябрь 2015 2199

Тошкентда 28 ноябрда Шарқ яккакурашлари ва жанг санъатлари фестивали бўлиб ўтди. Унда 2015 йилнинг спортнинг бу йўналишидаги энг яхши спортчилари номлари эълон қилинди.

Шарқ яккакурашлари ва жанг санъатларини ривожлантириш маркази матбуот хизматининг маълум қилишича, Челябинскда Ўзбекистон тарихида биринчи марта таэквондо бўйича жаҳон чемпионати олтин медалини қўлга киритган таэквондочи Дмитрий Шокин “Йилнинг энг яхши эркак спортчиси” деб топилди.

Ўзбекистон аёллар дзюдоси тарихида Сараевода ўтказилган кадетлар ўртасидаги жаҳон чемпионатида биринчи марта олтин медаль қўлга киритган Диёра Келдиёрова “Йилнинг энг яхши аёл спортчиси” деб топилди.

“Йилнинг энг яхши мураббийи” сифатида таэквондо бўйича мураббий Александр Ким эътироф этилди.

Бокс федерацияси ўтказган мусобақалар серияси “Йил воқеаси” йўналишида ғолиб бўлди. Шунингдек, бокс федерацияси “Йилнинг энг яхши федерацияси” деб топилди.

“Энг яхши халқаро ҳамкорлик” учун мукофот Карате федерациясига топширилди.

“Ўзининг улкан ҳиссасини қўшган шарқ яккакурашлари фахрийси” сифатида ўзбек жанг санъати асосчиси, Ўзбекистонда хизмат кўрсатган мураббий Пўлат Усманов эътироф этилди.

“Спорт жасорати” йўналишида бош мукофотни паралимпиячи дзюдочи Шерзод Намозов қўлга киритди.

Фестиваль доирасида шунингдек “Малика Тўмарис-2015” танлови финалчилари тақдирландилар. Ушбу танловда Ўзбек жанг санъати федерацияси вакили Зухра Умурзоқова 1-ўринни, ушучи Дарья Латишова 2-ўринни ва Карате федерацияси вакили Махлиё Шомуротова 3-ўринни эгаллади.

“Энг яхши техника” йўналишида ўзбек жанг санъати вакили Мохира Абдухалимова энг яхши деб топилди. “Энг яхши мусиқали жўр” йўналишида хапкидо вакили Мехрангиз Нажмиддинова ғолиб бўлди. “Артистиклиги учун” бош мукофотни Карате федерацияси вакили Сарвинозхон Озодхонова қўлга киритди.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 12483 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 20287 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 10077 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 10913 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 37655 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 52109 Жамият
Қозоғистон Қирғизистонга ёрдам кўрсатишни бошлади - 41 миллион доллар
14:03 16 Жаҳон
Президент ҳузурида ишбилармонлик муҳитини яхшилаш бўйича Давлат комиссияси ташкил этилиши мумкин
Терма жамоанинг Қирғизистонга қарши ўртоқлик учрашувига мухлислар киритилмайди
13:40 1297 Спорт
Тошкентда чиқиндиларни олиб чиқиб кетиш тарифлари қимматлашади
Кўпроқ янгиликлар