Туркия ҳукумати Истанбулда россиялик Михаил Кузьминнинг жасади бўлган тобутни ушлаб қолди. Бу ҳақда РИА “Новости” ахборот агентлиги маълум қилди.

Марҳумнинг қизи Ольга Андриянованинг айтишича, унинг отаси Афинада унинг уйида меҳмонда бўлганда инфарктдан вафот этган. Тобутни отасининг юрти Уфага Истанбул орқали олиб боришга қарор қилинган. Истанбулдан тобут Уфага Turkish Airlines авиакомпанияси рейси билан етказилиши керак бўлган.

“Улар отамнинг жасади солинган тобутни ушлаб қолишди. У бугун эрталабки соат 7 да етиб келиши керак эди. Мен нима учун улар бундай қилаётганларини билолмаяпман. Улар ҳеч нарсани тушунтиришмаяпти. Мен Уфагача тобутнинг етказилиши бўйича барча харажатларни тўлаганман”, деб айтмоқда аёл.

Россиянинг Грециядаги элчихонасида агентликка ушбу ҳолат бўйича Россия консули шуғулланаётгани айтилди. У турк томони билан музокаралар олиб бормоқда.