Япониянинг “Ибуки” метереологик сунъий йўлдоши Хитой, Ҳиндистон ва АҚШнинг йирик саноатлашган шаҳарлари атрофида буғ газларидан бири бўлмиш метан меъёридан ортиқ тўпланаётганини қайд қилди. Бу ҳақда Tokyo Shimbun газетаси хабар қилди.
Тадқиқот натижалари Парижда иқлим ўзгариши бўйича ўтадиган COP-21 конференциясининг очилишидан бир неча кун олдин эълон қилди.
Атроф муҳитни ҳимоя қилиш вазирлиги ва атроф муҳит тадқиқотлари миллий институти йўлдош томонидан 2009 йил августидан 2012 декабригача юборилган маълумотларни таҳлил қилиб, шунинг асосида метаннинг энг катта концентрацияси – 81 ppb Хитойнинг умумий аҳолиси 22 млн кишини ташкил қиладиган Чэнду ва Чунцин шаҳарлари атрофида эканлигини аниқлади.
Бунда йирик ботқоқликлар ва ўрмон ёнғинлари ҳудудлари инобатга олинмади.
Иккинчи ўринда Покистондаги Лаҳор 58.1 ppb кўрсаткичи билан турибди. Ундан кейинги поғоналарда Калькутта (Ҳиндистон, 54 ppb), Дакка (Бангладеш, 54 ppb), Лос-Анжелес, Сан-Франциско (АҚШ, 33.7 ppb), Нью-Йорк, Питтсбург (АҚШ, 22 ppb) шаҳарлари турибди. Ушбу рўйхатга кирган Россиянинг ягона шаҳри Сургут бўлди, унинг ҳавосидаги метан концентрацияси 35 ppb’ни ташкил қилди.