Яшнободлик эркак ўзи ишлайдиган цехга ўғриликка тушди, деб ёзади “Огоҳ” газетаси.
Тошкент шаҳридаги мазкур цехда қоғозли ғалтаклар ишлаб чиқарилар эди. Унинг ходими Асқар Латипов ҳар куни эрталаб 8:00да бошлиғи Наримон Қамбаровнинг келиб, асосий эшикни ёпиб, муҳрлаб кетишини кутарди. Бир сафар бошлиқ 1.5 соатга кечикда. Ўшанда Латиповга цехда илгари ишлаган Артём келиб, унга цехга ўғриликка тушишни таклиф қилган. Бунга рози бўлган Латипов ичкарига кириб, деразалардан бирини очиқ қолдирган.
Наримон Қамбаров соат 9:30да келиб, эшикни муҳрлаб кетган. Тунгги соат 0:30да Латипов Артём ҳамда яна бир нечат шериги – Содиқ ва Жамол билан бирга цех ичидан 4.8 млн сўмлик маҳсулотларни ўғирлаб чиқишган. Уларни ўз машинасида Содиқнинг акаси Комрон олиб кетган.
Эртаси куни ўғриликни аниқлаган Қамбаров дарҳол тегишли идораларга мурожаат қилган. Ўғрилар қисқа муддатда қўлга олинган.