“Ўзбектелеком”: ҳар бир уйга оптик толали интернет кириб боради

Технология 30 Ноябрь 2015 6080

Ўзбекистонда ҳар бир хонадонга оптик толали интернет кириб боради, деди “Ўзбектелеком” акционерлик компанияси раҳбарининг ўринбосари Жамол Мақсудов 30 ноябрь куни Ўзбекистон алоқа тарихи музейида бўлиб ўтган матбуот анжуманида.

Ўзбекистон телекоммуникация тармоқларида кенг полосали технологияларнинг жорий қилинишига бағишланган мазкур анжуманда мамлакатимизнинг чекка ва чегараолди ҳудудларида ҳам сифатли интернет алоқасини жорий этиш юзасидан олиб борилаётган ҳамда келгусида амалга оширилиши режалаштирилган чора-тадбирлар тўғрисида маълумот берилди.

Хусусан, бугунги кунда Ўзбекистондаги мавжуд 13 мингдан зиёд аҳоли пунктларининг қарийб барчасига мобиль алоқа ва интернет етиб борган. Бироқ алоқа операторлари айрим аҳоли пунктларига молиявий жиҳатдан ўзини оқламаслиги сабабли қимматбаҳо ускуналарни ўрнатишга шошилгани йўқ.
“Аҳоли сони кам бўлган пунктларга алоқа сифатини оширишга хизмат қиладиган ускуналарни ўрнатиш молиявий жиҳатдан ўзини оқламайди. Шу боис алоқа операторлари чекка қишлоқларга эмас, балки йирикроқ шаҳарларга базавий станцияларни ўрнатишни маъқул кўради. Бироқ бу қишлоқларда яшаб, меҳнат қилаётган аҳоли сифатли мобиль алоқа ва интернетдан фойдаланишга ҳақли эмас, дегани эмас. Биз мазкур масаланинг ижобий ечимини топишга ҳаракат қилаяпмиз, ривожланган мамлакатлар тажрибасини ўргандик. Айрим давлатларда алоқа операторларига кичик аҳоли пунктларида фаолият кўрсатиши учун имтиёзлар берилган экан. Ўзбекистонда ҳам алоқа операторларига шундай имтиёзлар, афзалликлар беришни режалаштирмоқдамиз”, - деди Ўзбекистон Республикаси Ахборот технологиялари ва коммуникацияларини ривожлантириш вазири ўринбосари Умид Аъламов.

Тадбирда таъкидланганидек, бугунги кунда чекка ҳудудларда мобиль алоқа ва интернет сифатининг пастлигига электр энергияси билан яхши таъминланмагани ҳам сабаб бўлмоқда. Шу мақсадда барча аҳоли пунктларида электр энергияси бор-йўқлигидан қатъи назар, муқобил энергия манбаларини жорий этишга катта аҳамият қаратилган. Мазкур муқобил энергия манбалари таннархининг қимматлиги инобатга олинган ҳолда ўзбек олимлари иштирокида бир вақтнинг ўзида 3та тизим – Қуёш, шамол ва дизель ёнилғиси асосида электр энергиясини етказиб берадиган гибрид панелларни яратиш ва синовдан ўтказиш устида иш олиб борилмоқда. Айни пайтда мазкур панел синовдан ўтказилмоқда. Агарда 2-3 ой ичида синов ишлари муваффақиятли якунланса, шу асосда электр етиб бормаган бошқа ҳудудларда ҳам мобиль алоқа ҳамда интернет сифати яхшиланади.

Кун янгиликлари
Қўшимча-контракт асосида ўқишни истайдиганлар нима қилиши керак?
11:30 / 18.08.2017 56763 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 5718 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 113953 Жамият
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 11127 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 21265 Ўзбекистон
Фото: Тошкентда йўл-патруль хизмати мотогуруҳи тузилди
Tesla компаниясининг энг арзон модели Model 3 ҳақидаги асосий фактлар
Абдулазиз Комилов бошчилигидаги делегация Ҳиндистонга боради
Ҳаракатлар зое кетмади, аммо Аллоҳнинг тақдири экан...
12:10 5507 Жамият
Чипта баҳона 9 миллион сўмни «ухлатган» фирибгар қўлга олинди
12:00 1221 Жамият
Кўпроқ янгиликлар