29 ноябрь куни Самарқанддан Тошкентга йўл олган Афросиёб поезди вагонлари чироқ бўлмади. Йўловчилар Тошкентга қадар қоронғуда келишга мажбур бўлган. Бу ҳақда йўловчилардан бири Kun.uz`га маълум қилди.

“Поезд кечки 17:00да Самарқандда йўлга чиқди. Кеч тушиб қолган бўлса ҳам негадир вагонларда чироқ бўлмади. Йўловчиларнинг аксарияти хорижлик сайёҳлар эди. Ёнимда ўтирган европалик сайёҳлардан бири инглиз тилида мендан “сизларда бу одатий ҳолми”, деб сўради. Унга бу биринчи марта бўлганини тушунтирдим”, - деди йўловчи.

Унинг айтишича, “Ўзбекистон темир йўллари” компанияси вакиллари мазкур ҳолат бўйича ҳеч қандай изоҳ бермаган, ноқулайлик учун йўловчилардан узр ҳам сўрамаган.

Шунингдек, поезд Тошкентга белгиланган вақтдан ярим соат кечикиб, 19:10да эмас, балки 19:40 кириб келган.