Молиявий таҳлилчилар Россия санкциялари оқибатида турк лираси курсининг тушишини башорат қилмоқда. 2016 йилнинг биринчи чорагида унинг курси рекорд даражада тушиб, 1 доллар 3.1 лирани ташкил қилади.

“Турк лирасининг “асал ойи” якунига етмоқда”, - деди Societe Generale таҳлилчиси Роксану Хулеа. Унинг фикрича, Туркия ва Россия ўртасидаги муносабатларнинг кескинлашиши кўплаб салбий оқибатларга олиб келади, негаки Россия Туркиянинг энг муҳим савдо ҳамкорларидан бири ҳисобланади.

Илгарироқ, сентябрь ойида турк лираси 3.07 лира/1 доллар даражасига тушиб кетган эди, аммо 20 ноябрда у яна 8 фоизга ўсди.