FT: Туркия билан туристик алоқаларнинг узилиши Россияни яккамоҳов қилиб қўяди

Жаҳон 30 Ноябрь 2015 12243

Туркияга турларнинг сотилишига қўйилган тақиқ бир қатор экспертларга “темир парда шарпалари”ни эслатиб юбормоқда, деб ёзмоқда Financial Times газетаси.

Айтилишича, Туркия пляжларидан воз кечишга бўлган чақириқ кўпчилик россияликларни дам олиш умидидан маҳрум қилди, негаки рубль курсининг тушиши, иқтисодиёт рецессияси шароитида Миср ва Туркия улар учун энг ҳамёнбоп туристик йўналишларга айланиб қолган эди. Ҳукумат маълумотларига қараганда, жорий йилнинг биринчи ярмида айнан шу давлатларга турлар барча саёҳатларнинг 38 фоизини ташкил қилган.

Мақолада таъкидланишича, охирги йилларда нефть нархининг ўсиши Россия иқтисодиётини ривожлантирган, бунинг натижасида ушбу мамлакат фуқаролари чет элга осон чиқиш имкониятига эга бўлган эди.

Аммо энди вазият ўзгарди. Ҳукумат башоратларига қараганда, Миср ва Туркияга парвозларнинг бекор қилинишидан сўнг 2016 йилда россияликларнинг чет элга чиқишининг умумий ҳажми 40 фоизга камаяди ва 2000 йил кўрсаткичларига қайтади.

“Бу Россия ўрта синфининг бошқа мамлакатлар билан муносабатларига салбий таъсир кўрсатади. Бу жуда хавотирли. Бу темир парда шарпасидир”, - деди Иқтисодиёт олий мактаби ижтимоий сиёсат институти директори Сергей Смирнов.

У бугунги воқеаларни 1917 йил билан қиёслаб кўрди.

“Октябрь инқилобидан сўнг Совет Иттифоқидаги ҳаёт нормал ва ҳатто бошқа давлатлардагидан яхшироқ деган фикрга ишонадиган авлод етишди. Агар бугунги вазият чўзилиб кетса, биз мана шундай моделни яратган бўламиз”, - таъкидлади эксперт.
Шу билан бирга, икки машҳур туристик йўналишнинг ёпилиши ички туризмнинг ривожланишига олиб келишини таъкидлаб ўтди.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 7522 Lifestyle
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 8803 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 9587 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 34505 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 51522 Жамият
Тошкент вилояти аграрчилари қишлоқ хўжалиги техникаси билан таъминланади
Ўзбекистонлик йигит АҚШдаги фильмлар танловида ғолиб бўлди
Адлия вазири Навоий вилоятида сайёр қабуллар ўтказди 
«Барселона» Коутиньони трансфер қилиш режасидан воз кечди
11:56 335 Спорт
Трамп Вашингтоннинг бошқа давлатлар тузумларини ўзгартиришини танқид қилди
11:46 676 Жаҳон
Кўпроқ янгиликлар