Қозоғистон президенти Нурсултон Назарбоевнинг фикрича, фуқаролар бой бўлишни ўрганиши лозим.
Ўзининг миллатга мурожаатида чет элликларнинг феъл-атворини ўз фуқаролари билан қиёслаб кўрди.

“Чет элда миллардерлар бойликларини кўз-кўз қилмайди, аёллар улкан тошларни тақиб юрмайди, каттакон машиналарда юрмайди. Бизда эса тўрт қаватли уйлар қуришади. Танкларга ўхшаган машиналар керакмас. Машиналар нимага керак? Йўл босиш қулай бўлиши учун. Шунинг учун фуқароларимиз бой бўлишни ўрганиши лозим. Бойлик ва ҳокимият ҳеч кимга бахт келтирмайди. Барча жаҳон файласуфлари бойлигинг халқ манфаатларига хизмат қилгандагина, сен улардан миннатдорчилик эшитсанг, ана шундагина бахтли бўлишингни айтишган”, - деди Назарбоев.

Бундан ташқари, Оқ Ўрда раҳбари шу кунларда Олмаотадаги бир фабрикада бўлганини ҳамда ўша ерда тайёрланган костюм ва оёқ кийимини кия бошлаганини айтди.
“Нега мен кичик бир фабриканинг маҳсулотларини кия бошладим? Чунки улар ишлашни бошлаяпти, чунки улар маҳаллий маҳсулот ишлаб чиқаришга ҳаракат қилмоқда, ёш қизлар ва аёлларга иш бермоқда. Балки улар Chanel даражасига жавоб бермас, лекин уларни кийиш мумкинку”, - таъкидлади Қозоғистон етакчиси.