Қозоғистон президенти Нурсултон Назарбоев молиявий инқироздан чиқишга ёрдам берадиган 7 қадам ҳақида гапириб берди.

“Глобал инқироз нафақат хатар, балки янги имкониятлар ҳам демакдир”, - деди у миллатга мурожаатида.

“Охирги ярим асрда амалда барча давлатлар нолдан бошлашган. Қозоғистон эса энг қийин даврда туғилди. Биз нефтсиз яшар эдик. Биз мустақиллигимизни эълон қилганимиз 90-йиллар осонмиди ахир? 90-йилларнинг биринчи ярми инқирознинг барча даҳшатларини кўрсатди. Одамлар чироқсиз, иссиқликсиз, ойлик маош ва пенсиясиз қолишди. Биз бундан ўтдик, қийинчилик билан ёлғиз қолдик, лекин омон қолдик”, - деди Назарбоев.

Шундан сўнг у инқироздан чиқиш учун ташланиши лозим бўлган 7 қадамни санаб ўтди:
Биринчидан, Қозоғистон хом ашё ресурсларига боғлиқ бўлмаган иқтисодиётни яратади.
Иккинчидан, “Нурли жўл” дастури қабул қилинади.

Учинчидан, “Юз конкрет қадам” миллат режаси амалга оширилади.
Тўртинчидан, кичик ва ўрта бизнес йўлидаги кичик тўсиқлар олиб ташланади.
Бешинчидан, нефть нархи баррелига 20-30 долларга тушиб кетиши ҳолатлари учун ҳаракат режаси ишлаб чиқилади.

Олтинчидан, Қозоғистон иқтисодий ўсишининг драйверларига иқтисодиётнинг янги секторлари айланади. Булар сирасига бугун ўсишни кўрсатаётган қайта ишлаш тармоқлар киради.

Еттинчидан, қозоғистонликларнинг иқтисодий феъл-атвори ўзгаради.