Қозоғистон президенти Нурсултон Назарбоев яқин истиқболда мамлакат иқтисодий ўсиш даражасини 5 фоизга етказишни таъминлашга кўрсатма берди. Бу ҳақда Интерфакс агентлиги ёзмоқда.

Ўзининг миллатга мурожаатида Оқ Ўрда раҳбари қайта ишланган товарлар экспортини 2015 йилдагидан 2 баробарга ошириб, бу тармоқдан келадиган ҳажмни 30 млрд долларга етказишни таклиф қилди.

Шунингдек, у инвестицияларнинг йиллик кўрсаткичини 10 млрд долларга етказиб, 10 йил ичида 100 млрд долларни иқтисодиётга жалб қилишга чақирди. Бу, унинг фикрича, меҳнат самарадорлигини 2 баробарга оширади, 660 минг янги иш ўрни яралади.