Қозоғистон президенти Нурсултон Назарбоев ўзининг анънавий миллатга мурожаат чоғида Россия ва Туркияни Су-24 самолётининг уриб туширилиши билан боғлиқ кўнгилсиз воқеани биргаликда тафтиш қилишга ва муносабатларни тиклашга чақирди.

“Қанчалар қийин бўлмасин, ўйлайманки, бу комиссияни биргаликда ташкил этиш лозим. Шунингдек, унинг ишини тезроқ тугатиш, айбдорларни аниқлаш, жазолаш ва айбни тан олиш, шундан сўнг эса муносабатларни тиклаш зарур. Мен Туркия ва Россиядаги дўстларимизни шунга чақираман”, - унинг сўзларини келтиради ТАСС агентлиги.