Туркия бош вазири Ахмет Довутўғлу Россия Туркияга нисбатан иқтисодий чораларни қайта кўриб чиқишига умид билдирди. Унинг фикрича, бу санкциялар ўзаро манфаатларга зиддир”, деб хабар берди РИА “Новости” ахборот агентлиги.

“Биз олдинроқ иқтисодий чораларга қарши чиқдик. Санкциялардан жабр кўрган ва шу билан бирга уларни Туркияга нисбатан қўллаётган Россиянинг ҳаракатлари унинг ўз позициясига зиддир. Иқтисодий алоқалар икки томон учун жуда муҳимдир”, деб айтди сиёсатчи.

Довутўғлу Туркия Россия фуқароларига қарши ҳеч қандай тақиқлов киритмасликка ваъда берди. “Биз Россия халқига салбий таъсир кўрсатувчи ҳаракатларни амалга оширмаймиз. Россия халқи бизнинг халқ учун – дўст. Анталия кўпгина россияликлар учун иккинчи уй бўлиб қолган, биз россиялик сайёҳларни кутамиз. Икки томон манфаати йўлида ҳаракат қилиш керак. Биз суҳбатга, келажакдаги муносабатларимизни муҳокама қилишга тайёрмиз, бироқ биз ўз чегараларимизни ҳимоя қилиб ўз бурчимизни бажардик”, деб айтди Довутўғлу.

Аввалроқ Владимир Путин Туркияга нисбатан махсус иқтисодий чоралар киритиш ҳақидаги фармонни имзолаганди. Ҳужжат деярли турк бизнесига қарши санкциялар киритади: Туркиядан маҳсулотлар олиб кириш ва туркларнинг Россияда ишлаши тақиқланади.