Туркия бош вазири Аҳмад Довудўғлунинг ЕИ-Туркия музокаралари якунида маълум қилишича, Анқара шу вақтгача суриялик қочқинларни мамлакат ҳудудига қабул қилиш учун 8 млрд доллар миқдоридаги маблағни сарфлаб бўлган. Бу ҳақда ТАСС агентлиги хабар тарқатди.

"Туркия 2,2 млн суриялик қочқиннинг ўз ҳудудида яшашини таъминлаш мақсадида 8 млрд доллар сарфлаб бўлди. ЕИ бу масалада Туркияга ёрдам беришни ваъда қилган", дейди у.

ЕИ етакчилари саммити вақтида Туркия ва ЕИ ўртасида визасиз режим жорий қилиниши муҳокама этилди.

ЕИ томони Туркиянинг муҳожирлар инқирозида кўрсатадиган ёрдами учун маблағ беришга қарор қилди.

Бироз олдинроқ, Европа Иттифоқи қочқинларни қабул қилиши учун Туркияга 3 млрд евро миқдоридаги маблағни ажратиши хабар қилинганди.