Украина 2016 йилда ЖАРдан кўмир сотиб олишни давом эттиради, шу боисдан январь ойидан бошлаб мамлакатга 170 минг тонна кўмир олиб келинади. Бу ҳақда Украина Энергия вазирлиги бошлиғи Владимир Демчишиннинг маълумотларига асосланиб, РИА “Новости” хабар бермоқда.

“Икки кема январь ойида 170 минг тонна кўмир олиб келишга тайёр турибди”, — деди у. Маълум бўлишича, Украина декабрь ойининг ўзида ЖАРдан 250 минг тонна кўмир олишни режа қилган.
Аввалроқ Украина бош вазири Арсений Яценюк қиш мавсумини ўтказиш учун Украинада кўмир захираси етишмаслигини маълум қилган эди.