Украиналик боксчи Владимир Кличко ўзининг Twitter’даги микроблогида британиялик боксчи Тайсон Фьюри билан ўтказган жангдан кейин ҳанузгача ўзига келолмаётганини тан олди.

“Мен ҳанузгача ҳақиқатан ҳам ютқазганимга ишонмаяпман. Мен азият чекмоқдаман”, деб ёзди Кличко микроблогида.

Кличко IBF, IBO, WBO ва WBA талқинлари бўйича жаҳон чемпиони унвонларини ютқазиб қўйган жанг 29 ноябрда бўлиб ўтди ва 27 ёшли британ спортчисининг ғалабаси билан яунланди.

Кличко охирги марта 11 йил аввал, яъни 2004 йил апрелида АҚШлик боксчи Лаймон Брюстерга техник нокаут билан ютқазган эди.