АҚШнинг Суэтт шаҳарчаси қолдиқлари (Жанубий Дакота штати) ким ошди савдоси орқали сотилади. "Арвоҳ шаҳар" номини олган бу шаҳарнинг 250 минг доллар нарх билан сотувга қўйилгани ҳақида савдо агенти Стейси Монтгомери маълум қилган.

Маълумот учун, Суэтт шаҳарчаси Рапид-Ситидандан 160 км жануби-шарқда жойлашган. Унда кичик бар, бир неча хўжалик иншооти, устахона ва артезиан қудуғи мавжуд. Автомобил шоссесига уланган шаҳарчанинг майдони 0,02 кв. км.

1940-йилларда Суэтт шаҳарчаси аҳолиси 40 нафар атрофида бўлган. У вақтда шаҳарда дўкон ва почта ҳам бор эди. Айни вақтда шаҳарчадаги уйда 2 киши, хўжайин Ленс Карсон ва унинг рафиқаси яшайди. Уларнинг кучуги ҳам бор. Жаноб Бенсон шаҳарчани 1988 йилда сотиб олган, кейинроқ никоҳ битими шартлари бўйича уни сотишига тўғри келган, 2012 йилда яна қайта харид қилганди.

Шаҳарчани сотиб олган киши унга янги ном бериши мумкинлиги айтилган. Монтгомерининг айтишича, Суэттни сотиб олишга қизиқиш нафақат АҚШда, Россия, Хитой, Германия ва Австралияда мавжуд. Шунингдек, Россиядаги кинокомпаниялардан бири бу ерда фильм олишни мақсад қилган.

Қайд этилишича, 2014 йилда ҳам шаҳарча сотувга қўйилган, лекин харидор топилмаганди. Ўшанда шаҳарча учун 399 минг доллар сўрашганди.