Чилонзорда фаррош аёл ўзи йиғиштирадиган офисдан пул ўғирлаганликда айбланмоқда. Бу ҳақда “Огоҳ” газетаси хабар бермоқда.

Айтилишича, Роҳила Бойқўзиева иш қидириб Юсуф исмли тадбиркор шахснинг ҳузурига келган. У ўз уйи ва офисини йиғиштириш вазифасини Бойқўзиевага топширган.

Бир муддат ўз вазифасини яхши адо этиб келган Бойқўзиева бора-бора маошидан қониқмай қўйган. Шундан сўнг у офис ичидан секин-аста буюмлар ва нақд пулларни ўғирлай бошлаган.

Ундан гумонсирай бошлаган Юсуф бир куни офисда 4 млн сўм пул ташлаб кетган. Эрталаб келиб, пулларни топа олмаган. Шундан сўнг тегишли идораларга хабар қилган.

Айни пайтда ўғрилик қилганликда айбланаётган аёлнинг иши юзасидан суд эшитувлари кетмоқда.