Франция бош вазири Мануэль Вальс "Реал" жамоаси ҳужумчиси Карим Бенземанинг Вальбуэна билан боғлиқ можаролари доирасида миллий терма жамоадан четлатилиши борасидаги таклифларга қўшилишини маълум қилди.

"Агар бу можаро бош вазир аралашадиган даражага келган бўлса, у албатта четлаштирилиши керак. Терма жамоа футболчилари маълум маънода Франция халқининг жаҳондаги юзи ҳисобланишади. Агар футболчи ўзини назорат қила олмаса, бундай футболчига терма жамоада ўрин йўқ", дейди Вальс Le Figaro нашрига берган интерьвюсида.

4 ноябрь куни Бензема Матье Вальбуэнага нисбатан тама қилишда гумон қилиниши билан боғлиқ ҳолда ҳибсга олинганди.

5 ноябрь куни унга нисбатан айблов эълон қилинган.

14 ноябрь куни Бензема Вальбуэнани шантаж қилишда иштирок этганини тан олди.

Шунингдек, Бензема товламачилик ишида айбдор деб топилса, «Реал» ундан воз кечиши хабар қилинганди.