Россиянинг Саратов шаҳридаги спортга ихтисослашган лицей тарбияланувчиларидан бирининг отаси карате бўйича мураббийни отиб ўлдирди ва яна 2 кишига тан жароҳати етказди. "Интерфакс" хабарига кўра у айни вақтда қўлга олинган. Вилоят ИИВ маълумотига кўра, жароҳатланганлар орасида лицей ўқувчилари йўқ.

Маълум бўлишича, жиноятчи спорт залига кириб ўқ ота бошлаган. 48 ёшли мураббий воқеа жойида ҳалок бўлган, яна 2 киши жароҳатланган ҳолда шифохонага ётқизилган.

Дастлабки маълумотларга кўра, ҳодисага мураббий ва ўқувчининг отаси ўртасидаги аввалдан мавжуд зиддият сабаб бўлган.

Айни вақтда ушбу воқеа бўйича жиноий иш очилган.

Saratovnews хабарига кўра, бу ҳодиса 62 рақамли ўқув муассаси ҳудудида рўй берган.