Германиянинг TIKT Performance фирмаси Германия транспорт вазирлиги ва маҳаллий автомобиль тюнингчилари буюртмасига кўра ягона нусхада Chevrolet Corvette полиция купесини яратди. Машина Эссендаги тюнинг-шоуда намойиш қилинди.

Автомобиль “хавфсиз тюнингни” тарғиб қилувчи “TUNE IT! SAFE!” ижтимоий тадбири доирасида яратилди. Лойиҳанинг расмий сайтида тушунтирилишича, бу тадбирда автомобилни хавфсизликка футур етказмаган ҳолда, яъни профессионал эҳтиёт қисмлардан фойдаланган ҳолда тюнинг қилиш” назарда тутилмоқда.

Ателье “Корвет”га карбонли аэродинамик олд сплиттер, ғилдирак аркаларига накладкалар, ён “юбкалар”, орқа диффузор ва 20 дюймли ғилдирак дисклари ўрнатди. Бундан ташқари, салонда полиция рацияси ҳам пайдо бўлди.

Двигатель ўзгаришсиз қолдирилди. Капот остида 6,2 литрли, 466 от кучига эриша олувчи 8 цилиндрли двигатель жойлашган. У 7 поғонали “механик” узатмалар қутиси билан биргаликда Corvette’ни 0 дан 100 км/соат тезликкача 3,8 сонияда эриштиради.

7-авлоддаги Chevrolet Corvette – Stingray 2013 йилда илк бор намойиш қилинган. Кейинроқ унинг қувватлироқ Z06 ва трек модификацияси C7.R намойиш қилинган.