Ўзбекистон Миллий Матбуот марказида "Давлат ҳокимияти, бошқаруви органлари ва фуқаролик жамияти институтларининг ёшларда ахборот маданиятини ўстириш ва уларни ғоявий-мафкуравий тажовузлардан ҳимоялаш механизмларини такомиллаштиришга доир устувор вазифалар" мавзусида матбуот анжумани бўлиб ўтди.

Унда ОАВ ходимлари ва раҳбарлари, Ўзбекистон Журналистлар ижодий уюшмаси вакиллари, ЎзМУ профессор ўқитувчилари ҳамда талабалар иштирок этди. Турли глобаллашув жараёнлар таъсиридан ёшларни ҳимоялаш механизмларини шакллантириш, уларнинг ахборот олиш маданиятини оширишда давлат ҳокимияти ва бошқаруви органлари, фуқаролик жамияти институтларининг ижтимоий шериклигини таъминлаш каби масалалар муҳокама этилди.

Тадбирда таъкидланганидек, медиа ва ахборот саводхонлиги тушунчасининг мазмунини ахборотни танлаш, баҳолаш, қайта ишлаш, уни узатиш ҳамда масс-медиани қабул қилиш ва унинг фаолиятини баҳолаш бўйича кўникма ва малакалар мажмуи ташкил этади. Ёшларнинг масс-медиа ва ахборот саводхонлигини ошириш ишлари републикамиздаги барча ўқув юртлари қошидаги ахборот ресурс марказларида, турли йўналиш ва даражадаги кутубхоналарда, маънавият ва маърифат марказларида, “Камолот” ёшлар ижтимоий ҳаракати, сиёсий партиялар, нодавлат-нотижорат ташкилотлар, фуқароларнинг ўзини ўзи бошқариш органларининг турли форум ва тадбирлари миқёсида амалга оширилмоқда. Шунингдек, соҳа мутахасислари ва экспертлари иштирокида оммавий баҳс-мунозаралар ва семинарлар ёшларнинг ахборот маданиятини оширишнинг самарали шакл ва усулларидандир.
Миржаҳон ЮСУПОВ, ЎзДЖТУ талабаси