НАТО ва АҚШ Россиянинг Украинадаги агрессияси ҳамда Суриядаги ҳарбий амалиётларидан ташвишда, лекин НАТО давлатлари вазирлари Брюсселдаги йиғилиш чоғида ҳар икки масалада Россия билан ҳамкорлик қилишга мажбурлигини тан олди. Бу ҳақда Associated Press агентлиги ёзмоқда.

Сурияга келганда эса, агентлик мухбири таъкидлаганидай, “тўлови ҳеч қаерда бўлмаганичалик юқори” бўлган мазкур ҳудудда Россия билан ҳамкорлик қилиш масаласига НАТО аъзолари турлича ёндашмоқда.
Россия билан ҳамкорликни ёқловчи давлатлар қаторига Германиядан сўнг ИШИДнинг Ғарбдаги энг йирик ҳужумларига дучор бўлган Франция ҳам қўшилди.

АҚШ эса Россия билан ҳамкорлик Башар Асад билан ҳамкорликка тенглигини эътироф этмоқда.
Шунга қарамай, Вашингтон расмийлари Украина ва Сурия ихтилофларини дипломатик йўллар билан ҳал қилишда Россиянинг катта ёрдами тегишидан умид қилмоқда.