Туркия Россиянинг Су-24 самолёти уриб туширилиши билан боғлиқ ҳолда кескин реакциялар кўрсатаётганига жавобан ҳиссиёт билан ёндошмайди. Бу ҳақда Ғарб матбуоти Туркия президенти Ражаб Тойиб Эрдўғанга асосланиб, хабар тарқатган.

"Биз Россиянинг ҳиссиётли ҳаракатларига қарши ақл билан иш тутамиз", деган у.

Унинг таъкидлашича, расмий Анқара Туркиядан келиб чиқиши россиялик бўлганларни чиқариб юборишни режалаштирмаган.

Туркия раҳбарининг қайд этишича, ўз мамлакати Россияни стратегик ҳамкор сифатида билса ҳам, бу давлат туркиялик тадбиркорларга нисбатан тақиқлар қўллади.

"Биз тилда иш қилмаймиз", деган Эрдўған.

Туркия ва Россия муносабатлари 24 ноябрь куни русларнинг Су-24 русумли ҳарбий бомбардимончи самолёти Туркия-Сурия чегараси ҳудудида уриб туширилганидан сўнг ёмонлашди. Туркия бу самолётни ўз ҳаво кенгликларини бузиб ўтгани учун уриб туширганини маълум қилган. Россия томони эса бу айбловни тан олмаган.

Шундан сўнг, Россия президенти буни "орқадан қилинган ҳужум" сифатида баҳолаган.

Владимир Путин 28 ноябрь куни Туркияга нисбатан санкциялар жорий этиш ҳақидаги фармонни имзолаган эди.