Испания суди басклар террорчилик ташкилоти ЭТАнинг икки нафар аъзосини 1991 йилда амалга оширган теракт учун 296 йилдан қамоқ жазосига тортди. Бу ҳақда Испания миллий суд ҳайъати хабарида маълум қилинди.

Унинг маълумотларига кўра, 1991 йил 12 июнда Исьер Альберди Уранга ва Хуан Хесус Нарваэс Гоньи Толедо шаҳридан Мадридга бомба солинган жўнатмани жўнатишган. Портловчи қурилмани хавфсизлантириш пайтида икки киши ҳалок бўлган ва яна бир неча киши яраланган. Шу сабабли суд Альберди Урангу ва Нарваэса Гоньига ушбу иш бўйича судланган яна бир судланувчи билан бирга ҳалок бўлганлар оилаларига 350 минг евро товон пули тўлаш мажбуриятини қўйди.

Жиноятчилар 22 йил яшириниб юришган. 2014 йил февралида улар Мексикада ушланган. Альберди Уранга Пуэрто-Вальярта курорт шаҳрида массажчи бўлиб, Нарваэс Гоньи эса йога бўйича инструктор бўлиб ишлаган.

ЭТА ташкилоти (“Басклар давлати ва озодлик”) Испаниянинг шимоли ва Франциянинг жануби-ғарбидаги ерларни ўз ичига олувчи басклар ҳудудининг мустақиллиги учун курашади. Ташкилот 1959 йилда ташкил этилган. У ўзининг 50 йиллик фаолияти давомида уюштирган терактлар оқибатида 800 дан ортиқ киши ҳалок бўлган. Ташкилот қўпорувчилик ҳаракатини тўхтатганини эълон қилганига қарамасдан, Испания ва Франция ҳуқуқ-тартибот муассасалари гуруҳнинг аъзоларини тақиб қилишни давом эттириб келадилар.