Россиянинг Калининград шаҳрида ўзбекистонлик 25 ёшли ишчининг ўлими сабаблари аниқлаштирилмоқда.

Бахтсиз воқеа 28 ноябрда Фортовая дорога кўчасидаги турар жой биноси қурилишида юз берди. Ёш йигит баландликда ишлаётиб, йиқилиб тушган ва ўлимга олиб келувчи жароҳатлар олган.

Терговчиларнинг дастлабки маълумотларига кўра, бўёқчи бўлиб ишлаган ўзбекистонлик Калининград вилоятида ишлаш учун патентга эга бўлган. Ўша куни йигит 2-қаватда ишлаётган бўлган. Йигит ишга жойлашганига бор-йўғи икки ҳафта бўлган.

Терговнинг фикрича, йигит унинг ҳаётини сақлаб қолиши мумкин бўлган хавфсизлик мосламасидан фойдаланмаган.

Ушбу ҳолат юзасидан меҳнатни қўриқлаш федерал хизмати мутахассислари жалб қилинган ҳолда терговгача текширув ўтказилмоқда.