Малайзиянинг AirAsia авикомпанияси учувчилари гриппга оммавий чалинганликлари сабаб Куала-Лумпур аэропортида юзлаб йўловчилар ушланиб қолди, ўнлаб рейслар қолдирилди, кўплари кечиктирилди. Бу ҳақда Star газетаси хабар бермоқда.

Осиёдаги энг йирик авикомпания раҳбари Тони Фернандеснинг маълум қилишича, "сешанба куни учувчилар таркибининг камида 12 нафарига грипп ташхиси қўйилган”. Кўпчилик йўловчилар тунни аэропортда ўтказишга мажбур бўлган, парвозлар кечиктирилган ёки умуман қолдирилган. Гувоҳларнинг сўзларига кўра, тонга вазият меъёрий ҳолатга тушмоқда, аммо айрим рейслар ҳамон ушланиб қолмоқда.