Исроил ўз манфаатларини ҳимоя қилиш ва “Ҳизбуллоҳ” ҳаракати қўлига замонавий қурол-аслаҳа турлари тушишининг олдини олиш мақсадида Сурияда “вақти-вақти” билан операция ўтказиб туради, деб маълум қилди Исроил бош вазири Биньямин Нетаньяҳу. Бу ҳақда The Jerusalem Post нашри маълум қилди.

“Биз Голан тепаликларида Эрон яратишга уринаётган бизга қарши яна битта фронтнинг олдини олиш мақсадида Сурияда вақти-вақти билан ҳаракат қиламиз. Биз, шунингдек, Суриядан Ливанга жуда хавфли қурол-аслаҳа турлари тушишининг олдини олиш бўйича ишлар ҳам олиб борамиз”, деб айтди Нетаньяҳу.   

Нетаньяҳунинг айтишича, Исроил келажакда ҳам бундай операцияларни амалга оширишни давом эттиради.