АҚШнинг Нью-Жерси штати, Саутгемптон шаҳрида мактаб автобусининг енгил автомобиль билан тўқнашиб кетиши натижасида енгил автомобилдаги икки нафар киши ҳалок бўлди, деб ёзмоқда Courier-Post.

Автобусда аёллар сузиш жамоасининг 20 нафар аъзоси, ҳайдовчи ва икки мураббий бўлган.
Полиция департаментининг маълум қилишича, Volkswagen Passat машинасининг ҳайдовчиси ва йўловчиси ҳалок бўлган, автобусдаги тўққиз киши шифохонага ётқизилган.
Тўқнашув сабаблари ўрганилмоқда, шу боис кўча ёпиб қўйилган.