Владимир Путин 2000 йилда Россия президенти бўлганида у Европа Иттифоқига аъзо бўлишга ҳаракат қилиб кўрди, аммо Ғарб давлатларининг совуқ муносабатидан сўнг ўз йўлидан боришга қарор қилди. Бу ҳақда россиялик машҳур журналист Владимир Познер “Бизнес Online” нашрига берган интервьюсида айтиб ўтди.

“2000 йилда Путин ҳокимиятга келганида, у, бадиий қилиб айтганда, АҚШ ва Ғарбга қўл узатди, - деди у. – Евроиттифоққа ошиқдик. Бизга, йўқ, йигитлар, сиз ортиқ даражада каттасизлар, дейишди... НАТОга ошиқдик! Жавоб беришди: бу нима деганингиз? Кейин сиз совуқ урушни ютдингиз, энди ҳеч қаерга бурун суқманг, 70 йиллик коммунзим вақтида жонимизга тегиб бўлдингиз, дейишди. Сербия бомбаланганида биз бўралатиб бақирдик, лекин ҳеч ким бизга эътибор бермади”.

“Путин чидади, чидади, кейин Ғарб биз билан бўлишни истамайди, деган хулосага келди, - cўзида давом этди журналист. – Улар бизнинг манфаатларимизни инобатга олишни истамади, улар дунёда битта қутб – АҚШ қолганини айтишмоқда. Ва 2007 йили Мюнхенда G20 тўпланганида Путин чиқиш қилиб, иш бундай давом этмаслигини, дунёмиз кўп қутбли эканлигини, ва улар бизнинг геосиёсий манфаатларимизни инобатга олиши зарурлигини айтди. Мана шундан бошланди”.