ИШИД жангарилари камида 8,5 мингта автоцистернага эга ва улар бу воситалар орқали кунига 200 минг баррел нефть ташишлари мумкин. Бу ҳақда "Газета.Ру" нашрига Россия Бош штаби бош бошқармаси бошлиғи Сергей Рудский маълум қилган.

"Бугунги кунга келиб, жангариларда 8,5 мингта атрофида нефть ташувчи автоцистерна мавжуд ва улар кунига 200 минг баррелгача нефть маҳсулотлари ташиш имконига эга ҳисобланишади. Бу орқали ҳудудда жиноий бизнес ривожланмоқда", дейди у.

Россия Мудофаа вазири ўринбосари Анатолий Антонов брифинг вақтида ИШИД ноқонуний нефть савдоси орқали йилига 2 млрд доллар маблағ ишлаб олиши ҳақида маълум қилган.

Бироз аввалроқ, Россия Мудофаа вазирлигида Россия ҲҲК самолётлари бераётган зарбалар орқали Сурия ҳудудидаги ИШИД жангариларининг нефть қазиб олиш ҳажми 2 баробар пасайтирилгани маълум қилинганди.