Samsung компанияси иккига йиғиладиган мослашувчан мобиль қурилма учун патентни расмийлаштирди, деб хабар бермоқда 9to5mac.

Гаджетнинг дастлабки тархига назар ташланса, унда илованинг эмблемасини пайқаш мумкин. Унда рақобатчи компания бўлмиш Apple нинг iPod медиаплеери символи туширилган.

Жанубий Корея томонидан 2014 йилнинг май ойида АҚШнинг патент бюросидан рўйхатдан ўтган ҳужжат яқинда патентлаштирилди.

2015 йилнинг сентябрь ойида Apple компанияси Samsung Electronics компанияси устига киритган даъвода ютиб чиққанлигини эълон қилган эди. Шундан сўнг Жанубий Кореянинг ушбу компанияси ўз маҳсулотлари —Galaxy S2 ва Note 2 қурилмаларидан баҳсли иловани олиб ташлашга мажбур бўлган эди.