Владимир вилояти суди Тожикистонда туғилган Мавзуна Мазориеванинг ишини кўриб чиқади. Қиз интернет орқали экстремизм тарғиботини олиб борганликда айбланмоқда.

18 ёшли Мазориевага нисбатан айблов вилоят прокурори ўринбосари томонидан тасдиқланган бўлиб, жиноят кодексининг 208-моддаси 2-бандида кўзда тутилган шаклда “интернет тармоғидан фойдаланган ҳолда оммавий тарзда экстремизмга чақириқларни амалга ошириш” деб белгиланган

2015 йил июнида Владимир вилояти Кольчугино шаҳрига ташриф буюрган Мазориева интернетдаги маълумотлар таъсирида радикал қарашларга қўшила бошлаган. 12 август куни у “Одноклассники” ижтимоий тармоғида “Асмаа на пути Аллаха” деб номланган шахсий саҳифасини очган.

Сўнг телефондан фойдаланган ҳолда ўз саҳифасига экстремистик руҳдаги видеолавҳаларни жойлаштирган.