Туркиянинг Botas давлат компанияси Қатар миллий нефть компанияси билан узоқ муддатга Туркияга газ импорт қилиш борасида тегишли меморандум имзолади, деб хабар бермоқда Anadolu агентлиги.

Маълум қилинишича, Туркия президенти Ражаб Тойиб Эрдўғоннинг Қатарга қилган ташрифи чоғида Туркияга узоқ муддатга суюлтирилган газ келтириш борасида музокара ўтказган. Аввалроқ икки мамлакат ўртасидаги бу импорт қисқа муддатли шартнома асосида тузилгани маълум қилинган эди.

2014 йилда Туркия 47,6 млрд кубометр газ импорт қилган. Россия газининг Туркия импортидаги улуши 60 фоизни ташкил этарди.