Россиядаги Улан-Удэ шаҳри ҳокими Александр Голков ва унинг ёрдамчилари интервьюни тасвирга олиш жараёнида “Россия 24” телеканалининг съёмка гуруҳини калтаклади. Бу ҳақда маҳаллий ИИБга таянган ҳолда FlashSiberia агентлиги хабар бермоқда.
Воқеа 2 декабрь куни содир бўлди.

“Россия 24” телеканали журналисти Артём Кол ва унинг оператори Владимир Брагин ҳокимдан интервью олаётган эди. Бир муддатдан сўнг ўртада ихтилоф келиб чиққан, бунинг натижасида журналистнинг бош ёрилган, операторнинг эса камераси синдириб ташланган.

Журналистларни Голковнинг ўзи, унинг ўринбосари ва матбуот бўлими ходими дўппослаган.

Ушбу воқеадан сўнг ҳар икки томон ҳам ИИВга арз қилган.

Ҳозирча ихтилоф нимадан келиб чиққани маълум эмас.