Ўзбекистондаги 193 та туман ва шаҳарда ногиронлар учун квоталанган иш ўринлари махсус меҳнат ярмаркалари ташкил этилади. Бу ҳақда Меҳнат ва аҳолини ижтимоий муҳофаза қилиш вазирлигининг Ахборот хизмати Kun.uz сайтига хабар қилди.

Маълумотларга кўра, 193 та туман ва шаҳарларда ногиронлар учун квоталанган иш ўринлари махсус меҳнат ярмаркаларини ўтказиш ва ҳар бир туманда камида 50 нафардан (жами 10 минг нафарга яқин) ногиронларни квота иш ўринларига жойлаштириш, ногиронларнинг иш жойларини мослаштириш, махсус воситалар ва мосламалар билан жиҳозлаш чораларини кўриш режалаштирилган.

Шу билан бирга, вазирлик тизимидаги 2 та имконияти чекланган шахслар учун республика касб-ҳунар коллежларида ногиронлар тикувчилик, бичувчилик, компьютер техникаси, бухгалтерия иши сингари касбларга ўқитилиб, касб-ҳунар коллежлари битирувчилари тўлиқ иш билан таъминланмоқда. Ногиронларни бандлигини таъминлаш борасида ҳам бир қатор тадбирлар амалга оширилиб, бу борада кейинги вақтларда нодавлат ташкилотларнинг ҳам фаоллиги ортганлигини кузатиш мумкин.