Чехиянинг Турнов шаҳридаги автомобил эҳтиёт қисмлари ишлаб чиқарилувчи заводда газ туфайли портлаш содир бўлди. Бу ҳақда Ceske Noviny хабар берган.

"Завод ходимларининг 5 нафари шикастланган, улардан 3 нафарининг аҳволи оғир. Яна бир киши бедарак кетган", дейди қутқарувчи хизмат ходими.

Хабарда айтилишича, завод ишчиларининг барчаси эвакуация қилинган, атрофдаги кўчалар тўсиб қўйилган.

Мутахассислар янги портлашлар содир бўлиши эҳтимолини истисно қилишмаган.

Воқеа жойига ўт ўчирувчи ва қутқарувчи хизматларнинг 14 гуруҳи иш олиб бормоқда.