Калифорниянинг Сан-Бернардино шаҳрида отишма содир этганлар полиция таъқибидан қочиш вақтида бомбадан фойдаланишди. Бу ҳақда CNN хабар тарқатган.

Полициячилардан бири жароҳатлангани айтилган.

Жиноятчиларни қўлга олиш амалиёти ўтказилаётган ҳудудга зирхли техникалар олиб келинган.

3 декабрга ўтар кечаси Калифорния штатининг Сан-Бернардино шаҳарчасида (Лос-Анжелес яқинида) номаълум шахслар жисмоний имконияти чекланган кишилар учун марказ ҳудудига бостириб кириб, тартибсиз равишда ўт очишган. Бу отишма натижасида 14 киши ҳалок бўлган ва 17 киши яраланган.

Дастлабки маълумотларда ҳужум қилувчи гуруҳ 3 кишидан иборат бўлгани айтилган.