Буюк Британия бош вазири Дэвид Кэмерон ўзининг твиттерида мамлакатнинг Сурияда ИШИД жангариларига қарши ҳарбий операция бошлаш бўйича парламент қарорини маъқуллади.

“Мен қуйи палата тўғри қарор қабул қилгани ва Буюк Британиянинг хавфсизлигини таъминлаганига ишончим комил”, деб ёзди Кэмерон.

Кэмерон Суриядаги ҳарбий ҳаракатлар “ягона умумий стратегиянинг бир қисми ҳисобланишини” айтди.

Аввалроқ британ қирувчи самолётлари Кипрдаги авиабазадан Сурияга жўнаб кетгани маълум қилинганди.