Россия президенти Владимир Путин Федерация йиғини олдидаги чиқиши чоғида Туркия томонидан Су-24 самолётининг уриб туширилишини ҳарбий жиноят деб баҳолади.

“Тушунмайман, нега улар бундай ишни қилдилар, - деди Россия раҳбари. – Ҳар қандай муаммоларни мутлақо анъанавий йўллар билан ҳал қилса бўларди. Биз улар билан энг нозик масалаларда мулоқот қилишда ва уларнинг иттифоқчилари қилмайдиган ишларни қилишга тайёр эдик”.

Путин Туркия раҳбарияти “помидорлар отилиши” билан қутулиб қола олмаслигини, Россия ўз фуқароларини ўлдирганларга қарши нима қилишни билишини таъкидлади.

“Бу қабиҳ ҳарбий жиноят учун жавоб берадиганлар албатта жавоб беради, биз нима қилишимизни биламиз”, - деди у.

Мурожаат давом этмоқда. У “Россия 24” телеканали орқали тўғридан-тўғри узатилмоқда.