Қирғизистон ҳукумати девони раҳбарияти амалдорларни ҳар сешанба куни эрталаб “Биринчи радио” эфирини тинглаши лозимлиги ҳақида кўрсатма берди. Бу ҳақда ҳукумат матбуот хизмати хабар берди.

Айтилишича, девон раҳбарининг биринчи ўринбосари Мурот Муқамбетов вазирлик, идора ва вилоят маъмуриятларига юборган кўрсатмада ҳар сешанба соат 9:00дан 10:00гача “Биринчи радио” эфирида бош вазир Темир Сариев чиқиш қилиши ва барча уни эшитиши лозимлиги тушунтирилган.

Таъкидланишича, бу идоралар бош вазир билан тўғридан-тўғри радиоэфирда мулоқот қиладиган фуқароларнинг муаммоларига тезкор ечимлар топиши учун қилинмоқда.