Қўқонда боласини 2 минг долларга сотиб юборишга ҳаракат қилган аёл қўлга олинди. Бу ҳақда “Постда” нашри хабар бермоқда.

Айтилишича, Қўқон шаҳрида истиқомат қилувчи Малика Даминова режалаштирилмаган ҳомиладорлик натижасида қизалоқ кўрган. Аммо фарзанд унинг режаларига ва “бизнес”ига халақит беришини ўйлаб, 70 ёшли онаси Ҳанифа Даминовага маслаҳат солган. Она-бола келишиб, қизалоқни сотиб юборишга қарор қилишган.

Биринчи сафар номи келтирилмаган бир аёл билан 1.5 минг долларга келишув амалга оширилган. Аммо у аёл ноқонуний ишдан қўрқиб, охирги дамда фикридан қайтиб қолган. У кейинроқ тегишли идораларга бўлган воқеаларни хабар қилган. Милиция Даминовалар устидан назорат ўрнатган.

Кейинги сафар Ҳанифа Даминова бошқа бир “мижоз” топиб, 2 минг долларга қизалоқни сотишга келишиб олган. Аммо улар жиноят устида қўлга олинган.
Суд она-болага тегишли жазони тайинлади.