Россия президенти маъмурияти бошлиғи Сергей Ивановнинг айтишича, Туркия раҳбарияти ИШИДдан нефть сотиб олиш бўйича шубҳа остида қолмоқда.

"Биз Туркия халқи билан яхши алоқаларга эгамиз. Биз уларни ҳурмат қиламиз. Лекин факт шуки, Туркия раҳбариянинг ИШИДдан нефть сотиб олгани тасдиқланган. Улар ИШИДдан олган нефтларини бутун дунё бўйлаб сотган. Буни инкор қилиб бўлмайди", дейди Иванов РИА Новости агентлигига.

2 декабрь куни россиялик ҳарбийлар Анқара ИШИДдан нефть харид қилишда иштирок этгани ҳақида далилларга эгалигини билдирган.

Туркия президенти Ражаб Тойиб Эрдўған ва унинг ҳукумати эса бу айбловни қатъиян рад этиб, Россиянинг ўзи бундай савдога алоқадорлигини айтган.