Боғдод агар Анқарага нефть контрабандаси бўйича қўйилаётган абйловлар тасдиқланса, зудлик билан БМТ Хавфсизлик кенгаши ва тегишли халқаро ташкилотларга шикоят билан мурожаат қилади, деб айтди Ироқ Мудофаа вазирлигининг расмий вакили Муҳаммад Носир Нурий. 

“Агар Ироқ ҳукуматида Туркия ИШИДдан нефть сотиб олаётгани борасида етарлича исбот ва тафсилотлар пайдо бўлса, у иккиланишсиз БМТ ХК ва барча масъул халқаро ташкилотларга расмий шикоят беради”, деб айтди Нурий Sputnik агентлигига.

Нурийнинг айтишича, бугунги кунда “Ироқ нефтининг юк машиналарида баъзи давлатларга, жумладан Туркияга контрабанда қилиниши борасида маълумотлар мавжуд”. “Бу нефтдан ИШИДни молиялаштириш учун фойдаланилади”, деб  айтди Нурий.

“ИШИД Ироқ нефтини Туркияга контрабанда қилаётганини тасдиқловчи йўлдошлардан олинган суратлар ва махсус хизматлар маълумотлари бор”, деб ўз сўзини ниҳоялади Нурий. 

Аввалроқ Россия Қуролли кучлари бош штаби бош тезкор бошқармаси бошлиғи Сергей Рудской ИШИД бензовозлари Сурия-Туркия чегарасини кесиб ўтгандан кейин портларга бориб, у ердан кемалар орқали учинчи давлатларга қайта ишлашга юборилишини айтган эди. Россия Мудофаа вазирлиги бунинг исботи тариқасида матбуот-анжуманида, россиялик ҳарбийларнинг айтишича, ИШИД назоратидаги ҳудудлардан Туркияга йўл олаётган бензовозлар карвонининг сунъий йўлдошлардан олинган суратларини намойиш қилди.

Баъзи маълумотларига кўра, бензовозлар юк машиналари кўринишида ниқобланади.