Apple компанияси 2016 йил бошида Apple Pay’ни қўллаб-қувватлайдиган 4 дюймли iPhone тақдим этишни режалаштирган. Бу ҳақда The Verge хабар бермоқда.

Смартфон A9 процессори ва металл корпусга эга бўлади. Олд қисмида ойна iPhone 6s каби четга қайрилган кўринишда бўлади. Унинг аввалги смартфонлардан яна бир фарқли томони унда 3D Touch функцияси мавжуд эмас.

Смартфон ўрта ҳажмга эга бўлган ҳамёнбоп нархда бўлади ва бу компанияга Android смартфонлари билан рақобат қилиш имконини беради. Янги смартфоннинг нархи 400-500 доллар атрофида бўлади.