Қочқинлар масаласи бўйича БМТ олий бошқармаси комиссари Греция ва Македония ҳукуматига мурожаат қилар экан, уларни грек-македон чегарасидаги муҳожирлар оқимини тартибга солишда инсон ҳуқуқларига амал қилишга чақирди.

"Олий бошқарма Греция ва Македония чегарасида бўлаётган ишлардан қаттиқ ташвишда. Вазиятни тартибга солиш учун инсон ва қочқинлар ҳуқуқига тўла амал қилиш талаб этилади”, - дейилади маълумотда.

Бошқарманинг маълум қилишича, вазият Болқоннинг ғарбий қисмида таранг бўлиб, эндиликда чегарадан ўтиш фақатгина Сурия, Ироқ ва Афғонистондан келганлар учунгина очиқдир.

Бошқармада Болқон мамлакатларига келаётган қочқинларга миллатига эмас, балки эҳтиёжига қараб ёрдам кўрсатиш тавсия этилди.