Осиё тараққиёт банки (ОТБ) Марказий Осиёнинг 5 та давлати иқтисодиётининг 2015 йилдаги умумий ўсиши прогнозини 3,2 фоизгача камайтирди. Сентябрдаги прогноз 3,3 фоиз қилиб белгиланди. Бу ҳақда ОТБнинг Ўзбекистондаги ваколатхонаси хабарида маълум қилинди.

ОТБнинг Asian Development Outlook маърузасидаги маълумотларга кўра, Ўзбекистон, Қозоғистон, Қирғизистон, Тожикистон ва Туркманистон учун 2016 йилдаги ўсиш кутилаётган 4,2 фоиз ўрнига 3,7 фоиз қилиб белгиланди.

Банк экспертларининг фикрича, жаҳон бозорларида хом ашё маҳсулотлари, жумладан нефть ва газга паст нархларнинг сақланиб қолиши ҳамда Россия иқтисодиёти тикланишининг паст суръатлари Марказий Осиё давлатларига таъсир кўрсатади.

Хусусан, Россиядан пул ўтказмаларининг қисқариши туфайли Ўзбекистон, Қирғизистон ва Тожикистондаги ички истеъмол даражаси ҳам пасаяди.